İnqilabçı hakimiyyətin sürətlə varlanması Qərbin diqqətini çəkib. Bəzi məlumatlara görə, Ermənistanın baş naziri Nikol Paşinyanın qərb sponsorları onun komanda yoldaşlarının varlanmasının qanuniliyini yoxlamağın vaxtı çatdığını açıq şəkildə bildiriblər.

Missiya.Az xəbər verir ki, bu barədə “Hraparak” nəşri məlumat yayıb.

Qeyd olunub ki, müxalifət xadimlərinə qarşı iqtidarın göstərişi ilə a qanunsuz əmlak işi açıldığı halda, məlum olur ki, Qərb strukturları da hazırkı məmurların əmlakları, vəsaitləri, xaricdə satın aldığı evlər və yatırılan pullarla bağlı kifayət qədər ciddi araşdırmalar aparıblar və banklarda müxtəlif məmurların korrupsiya əməliyyatları ilə bağlı dosyelər var.

“Ona görə də Paşinyan indi korrupsiyaya qarşı mübarizə aparmaq imici altında öz komandasının bir hissəsini qurban verməyə başlayacaq”, - deyə məlumatda vurğulanıb.

Daşqın Həsənov
Missiya.Az