"Qaydalara o qədər də riayət etmirəm. Məsələn deyirlər, tez yatıb, tez durmaq lazımdır. Amma gec yatıb, tez oyanıram. 8 saat yuxunu mən almıram. Amma aldığım yuxu mənə bəs edir".

Missiya.Az xəbər verir ki, bu sözləri Xalq artisti Zülfiyyə Xanbabayeva instaqram hesabında izləyicilərinin suallarını cavablandıran zaman deyib.

İfaçı verilişlərə niyə az-az çıxması ilə bağlı verilən növbəti suala da cavab verib.

"Əlbəttə ki, məni qane etməyən məqamlar var. 38 ildir efirə az çıxmışam. Zəng vuranda aylarla uzadıram: sentyabrda deyirəm oktyabrda, oktyabrda deyirəm yeni il qabağı çıxacağam. Bütün bu sosial şəbəkələr yaranandan sonra hərənin bir tribunası var. Belə başa düşürəm ki, biz artıq asılı qalmışıq", - deyə müğənni vurğulayıb.

Zərintac Mayisqızı
Missiya.Az