İsrailin baş naziri Benyamin Netanyahu avqustun 4-də ordu və kəşfiyyat xidmətlərinin rəhbərləri ilə görüş keçirib və bu toplantıda xüsusən də İran tərəfdən hücum qaçılmaz hesab edilərsə, ona qarşı qabaqlayıcı zərbənin endirilməsi variantı müzakirə edilib.

Missiya.Az “Ynet”ə istinadən xəbər verir ki, görüşdə İsrailin müdafiə naziri Yoav Qallant, Baş Qərargah rəisi Herzi Halevi, Mossad rəhbəri David Barnea və Baş Təhlükəsizlik Xidmətinin rəisi Ronen Bar iştirak edib. 

Qeyd olunub ki, İsrail İran və onun müttəfiqlərindən nə gözlədiyini bilmir, ona görə də hücuma cavab vermək və ya onun qarşısını almaq üçün müxtəlif variantları müzakirə edir. 

“Bu variantlardan biri, qabaqlayıcı zərbədir. Amma bu, o halda mümkündür ki, İsrail İranın hücum etmək niyyətini təsdiqləyən kəşfiyyat məlumatı alsın”, - deyə vurğulanıb.

Daşqın Həsənov
Missiya.Az