Şanxay Əməkdaşlıq Təşkilatına (ŞƏT) daxil olan ölkələr təşkilatı ən nüfuzlu beynəlxalq strukturlardan birinə çeviriblər və bütün dünyada ona maraq artır.
Missiya.Az xəbər verir ki, bunu Qazaxıstan Prezidenti Kasım-Jomart Tokayev bildirib.
Onun sözlərinə görə, təxminən dörddə bir əsr ərzində ŞƏT beynəlxalq münasibətlər sistemində mühüm mexanizmə çevrilib.
Qeyd edək ki, iyulun 3-4-də Astanada ŞƏT sammiti keçirilir. Tədbirdə Rusiya, Azərbaycan, Belarus, Hindistan, İran, Qazaxıstan, Qətər, Qırğızıstan, Çin, Monqolustan, BƏƏ, Pakistan, Tacikistan, Türkmənistan, Türkiyə və Özbəkistanın dövlət və hökumət başçıları iştirak edirlər. Sammitdə ŞƏT-in baş katibi Zhang Ming və BMT-nin baş katibi Antonio Quterreş də iştirak edəcək.
Leyla SƏMƏNDƏR
Missiya.Az