Belarus Şanxay Əməkdaşlıq Təşkilatının (ŞƏT) tamhüquqlu üzvü olub.
Missiya.Az xəbər verir ki, sənədlərin imzalanması mərasimi ŞƏT Dövlət Başçıları Şurasının iclasının keçirildiyi Astanada Müstəqillik Sarayında baş tutub.
Qazaxıstan prezidenti Kazım-Jomart Tokayev ŞƏT sammitində bildirib ki, Belarus qısa müddət ərzində təşkilatda tam iştirak üçün bütün prosedurları başa çatdırıb.
Qeyd edək ki, Belarus 2010-cu ildən dialoq tərəfdaşı, 2015-ci ildən isə müşahidəçi qismində ŞƏT-də iştirak edir. Səmərqənddə Dövlət Başçıları Şurasının 2022-ci il sentyabrın 16-da keçirilən iclasının yekunlarına əsasən, təşkilata qoşulma prosedurunun başlanması haqqında qərar imzalanıb. Bu prosesin tərkib hissəsi kimi Belarus 40-dan çox müqaviləyə qoşulub.
Leyla SƏMƏNDƏR
Missiya.Az