İranda ölkənin 290 yerlik parlamenti olan Məclisə seçkilər keçiriləcək.

Missiya.Az xəbər verir ki, bu barədə “News.am” məlumat yayıb. Bildirilib ki, İranda ölkənin 87 milyon vətəndaşının 61 milyondan çoxunun səsvermə hüququ var. Seçicilərin bülletenləri əsasən əl ilə sayılır, ona görə də seçkinin nəticələrinin elan edilməsi seçki tarixindən üç günə qədər vaxt apara bilər. İranın lideri Ayətullah Əli Xamenei həmvətənlərini səs verməyə çağıraraq, bu səsverməni ölkənin gələcək taleyi üçün həlledici adlandırıb.

Qeyd edək ki, ötən gün İranda seçki kampaniyasına start verilib, rekord sayda namizədin seçkilərdə iştirakına icazə verilib - 15,2 min nəfərdən çox, bu, ilkin olaraq seçkilərdə iştirak etmək üçün qeydiyyatdan keçmiş ərizəçilərin ümumi sayının təxminən 75%-ni təşkil edib. Seçkilərə buraxılmış namizədlərin 1,7 minə yaxını qadınlardır.

Zərintac Mayisqızı
Missiya.Az