“Azərbaycan və Ermənistan Gürcüstan üçün rəkcə tərəfdaş deyil, həm də qardaş ölkələrdir”.

Missiya.Az xarici KİV-ə istinadən xəbər verir ki, bunu Gürcüstanın baş naziri İrakli Qaribaşvili Davos İqtisadi Forumunda çıxış edərkən deyib.  

"Gürcüstanın Azərbaycan və Ermənistanla çox sıx əlaqələri və tərəfdaşlıq münasibətləri var, onlar bizim qardaş və dostlarımızdır", - deyə siyasətçi vurğulayıb.

Onun sözlərinə görə, Azərbaycan və Ermənistan liderlərinin mövqeyi ikitərəfli səviyyədə münasibətlərin olmasıdır. 

“Biz başa düşürük ki, bu bölgədə çoxlu oyunçu var. Əlavə etməliyəm ki, Azərbaycan və Ermənistan liderlərinin mövqeyini bilirəm, onlar bir-biri ilə ikitərəfli müstəvidə münasibətlər qurmaq istəyirlər. Şəxsən mən hesab edirəm ki, bu, düzgün yoldur, çünki bu qədər vasitəçinin, bu qədər maraqlı tərəfin iştirakı ilə proses bəzən daha konfliktli və əks-məhsuldar xarakter alır. Ona görə də onlara uğurlar arzulayıram”, - deyə Qaribaşvili bildirib.

Siyasətçi qeyd edib ki, mən Bakı və İrəvanın tezliklə həll yolunu tapacağına və sülh sazişi imzalayacağına ümid edirəm.