![](/uploads/posts/2024-01/15954917493871348916_1200x630.jpg)
“Dərin biliyə, mükəmməl dövlətçilik təfəkkürünə, çevik və səmərəli idarəçilik bacarığına malik olan Prezident İlham Əliyev Azərbaycan millətini və dövlətini beynəlxalq aləmdə ən layiqli şəkildə təmsil edən bir şəxsdir”.
Missiya.Az xəbər verir ki, bunu millət vəkili Musa Qasımlı deyib. M.Qasımlı bildirib ki, onun indiyədək olan davranışları və çıxışları millətə yalnız başucalığı gətirib, qürur hissi yaşadıb: “Bütün toplantılarda etdiyi nitqləri ilə Prezident İlham Əliyev Azərbaycan millətinin yüksək intellektual səviyyəsini və mədəniyyətini dünyaya nümayiş etdirib. Millətimizə qiyməti Prezident İlham Əliyevin zəkası və bacarığına görə veriblər. Azərbaycan milləti ötən 20 ildə əmin olub ki, Prezident İlham Əliyevin iştirak etdiyi beynəlxalq toplantılarda milli-dövlət maraqları ən yaxşı şəkildə qorunur.
Bir sıra beynəlxalq toplantıların Azərbaycanda keçirilməsi Prezident İlham Əliyevin şəxsiyyətinə olan inam, etibar və hörmətlə bağlıdır. COP29-un Bakıda keçirilməsi barədə qərarın qəbulunda bu amil başlıca rol oynayıb. Millət bu xəttin davam etdirilməsini istəyir”.
Missiya.Az