5 dekabr Beynəlxalq Könüllülər Günüdür

AZ | RU

5 dekabr Beynəlxalq Könüllülər Günüdür

Dekabrın 5-i dünyada hər il Beynəlxalq Könüllülər Günü kimi qeyd olunur.

Bu barədə qətnamə 1985-ci il dekabrın 17-də BMT Baş Assambleyası tərəfindən qətnamə qəbul edilib.

Könüllülük nədir?

Könüllülük öz iradəsi və sərbəst seçimi əsasında heç bir maddi qazanca əsaslanmayan və cəmiyyətin rifahının daha da yaxşılaşdırılmasını qarşıya məqsəd qoyan sosial fəaliyyət istiqamətidir. XX əsrin ikinci yarısından etibarən könüllülük, həmrəylik, sosial məsuliyyət kimi ali dəyərlər sistemləşdirilərək dünyada kütləvi sosial fəaliyyətə çevrilib. Könüllülük Azərbaycanda çox inkişaf edib. Gənclər böyük həvəslə ölkəmizin müxtəlif təşkilatlarına qoşularaq vətənə xidmət göstərirlər. Azərbaycanın müstəqilliyin bərpasından sonra qazandığı nailiyyətlərdə də, şübhəsiz ki, həmin gənclərin payı var. Bəli, bu günün könüllüsü sabahın dahisi, ictimai xadimidir.

Tarixə də bir nəzər salaq:

Müasir müstəqil Azərbaycanda könüllülük sahəsində əsl inkişaf ulu öndər Heydər Əliyevin hakimiyyətə qayıdışından sonra başlayıb. Elə buna görə də könüllülük hərəkatının nəzərəçarpacaq yüksəliş məhz Ümummilli Liderimizin adı ilə bağlıdır. Belə ki, Ulu öndərin ölkəmizə rəhbərliyinin ilk illərindən başlayaraq, hərtərəfli və davamlı inkişaf məqsədilə dövlət və özəl sektor, vətəndaş cəmiyyəti arasında əməkdaşlıq diqqət mərkəzində saxlanılıb. Bu prosesə insanları könüllü şəkildə cəlb etməyə, onların sahə təcrübəsindən yararlanmağa mühüm önəm verilib.

Həmçinin, XXI əsrin əvvəllərində dahi öndərin siyasi kursunu davam edən, Azərbaycan prezidenti İlham Əliyevin müdrik və qətiyyətli rəhbərliyi ilə ölkəmizin tarixinin dinamik və hərtərəfli inkişaf mərhələsi başlayıb. İlham Əliyevin reallaşdırdığı siyasətin əsas məqsədlərindən biri neft kapitalının insan kapitalına çevrilməsi idi. Bu zaman qarşıya qoyulan məqsədləri gerçəkləşdirmək üçün innovativ və geniş kütlənin maraqlarına cavab verən yeni addımlara ehtiyac yaranmışdı və təbii ki, bu sahədə könüllülük fəaliyyəti mühüm önəm daşıması başladı. Habelə, digər sahələrdə də gənclərə yeni imkanlar açıldı. Könüllükdən sonra karyeralarını istədikləri sektorlarda qura bilirlər.

44 günlük şanlı vətən savaşında, pandemiya dönəmində, müxtəlif dövr və fəaliyyətlərdə də könüllü gənclər böyük əmək sərf edib. İndi də davam edirlər. Həm özləri təcrübələrini artırır, həm də vətəninə, millətinə layiqli olmağa çalışırlar. Azərbaycan bu gün zəhmətkeş, sədaqətli övladları ilə qürur duyur. Gününüz mübarək əziz könüllülər!

Zərintac Mayisqızı
Missiya.Az