İran Prezidenti İbrahim Rəisi İqtisadi Əməkdaşlıq Təşkilatının Daşkənddə keçirilən sammiti çərçivəsində Özbəkistan Respublikasının Prezidenti Şavkat Mirziyoyev ilə görüşüb.

Missiya.Az "Report"a istinadən xəbər verir ki, bu barədə İranın İRNA xəbər agentliyi məlumat yayıb.

Danışıqlar zamanı prezident bəyan edib ki, İranın xarici siyasəti qonşu dövlətlərlə iqtisadi və siyasi əlaqələrin inkişafına yönəlib.

Rəisi İran və Özbəkistan arasında qarşılıqlı razılaşmaların icrası prosesindən məmnunluğunu ifadə edərək, ikitərəfli əməkdaşlığın daha da genişləndirilməsinə ümidvar olduğunu bildirib.

Özbəkistan Prezidenti Daşkəndlə Tehran arasında əlaqələrin inkişaf etdirilməsinin vacibliyini vurğulayıb. O, İran tərəfinə Özbəkistanda texnologiya evi açdığına görə təşəkkür edib.