![](/uploads/posts/2023-09/image_750x_6501ba14338fe.jpg)
“Ermənistan Respublikasının suverenliyini və ya yurisdiksiyasını hər hansı şəkildə şübhə altına alan hər hansısa bəyanat bizim üçün qəbuledilməzdir. Bu, nəinki bizim üçün qəbuledilməzdir, hətta bizim üçün qırmızı xəttdir”.
Missiya.Az “Hraparak” nəşrinə istinadən xəbər verir ki, bunu bunu Ermənistanın baş naziri Nikol Paşinyan hökumətin bu gün keçirilən iclasında Türkiyənin nəqliyyat və kommunikasiya naziri Abdulkadir Uraloğlunun Zəngəzur dəhlizinin tezliklə açılmasına dair bəyanatına münasibət bildirərkən deyib.
O, bildirib ki, noyabrın 9-da imzalanan üçtərəfli bəyanatda Laçın dəhlizindən bəhs edilir, Ermənistan Respublikası ərazisindən heç bir dəhliz nəzərdə tutulmur.
“Bu məsələdə beynəlxalq ictimaiyyəti çaşdırmamağımız çox vacibdir. Çünki əksər hallarda Avropada dəhliz anlayışından danışarkən nəqliyyat kommunikasiyasını nəzərdə tuturlar. Bu söz bizim üçün çox həssasdır”, - deyə Paşinyan vurğulayıb.
Qeyd edək ki, A.Uraloğlu bu gün İstanbulda keçirilən Türk Dövlətləri Təşkilatının (TDT) logistika forumunda Zəngəzur dəhlizinin tezliklə açılacağını söyləyib.
Daşqın Həsənov
Missiya.Az