AZ   |   RU
Serbiya Rusiyaya qarşı sanksiyaları dəstəkləmir - Aleksandr Vuçiç

 

“Zelenski ilə görüş Serbiyanın Rusiyaya qarşı sanksiyalarla bağlı mövqeyinə təsir etməyib”. 

 

Missiya.Az xəbər verir ki, bunu Serbiya prezidenti Aleksandr Vuçiç Kişinyovda Avropa Siyasi Birliyinin sammiti çərçivəsində deyib.


“Mənim Zelenski ilə qısa söhbət etmək imkanım oldu. Qeyd etmək lazımdır ki, Ukrayna Kosovonun müstəqilliyini tanımır və Serbiyanın ərazi bütövlüyünə hörmət edir, necə ki Serbiya BMT Nizamnaməsinə uyğun olaraq Ukraynanın bütövlüyünə hörmət edir”,-deyə o əlave edib.


Bununla belə, o qeyd edib ki, Rusiyaya qarşı sanksiyalarla bağlı qərarı Serbiya vətəndaşları verir:


“Biz sanksiyalardan danışanda 2022-ci ilin martında qərarımızı verdik. Yalnız bir söhbətlə mövqeyimizi dəyişə bilmərik. Serbiyanın öz siyasəti var”.


Leyla SƏMƏNDƏR
Missiya.Az



  • 2-06-2023, 10:48