AZ   |   RU
“ABŞ ukraynalı F-16 pilotlarının təlimi üzərində işləyəcək” - Bayden

“ABŞ tərəfdaşları ilə birlikdə ukraynalı pilotların F-16 döyüş təyyarələrində təlim keçməsi üzərində işləyəcək. Təlim Avropada keçiriləcək”.


Missiya.Az “RBC-Ukrayna”ya istinadən xəbər verir ki, bunu ABŞ prezidenti Co Bayden Koloradoda Hərbi Hava Qüvvələri Akademiyasında çıxışı zamanı deyib.


Amerika lideri Xirosimada keçirilən G7 sammitində Ukrayna prezidenti Voladimir Zelenski ilə söhbətini xatırladıb:


"Bir neçə həftə əvvəl mən Zelenski ilə birlikdə G7 üçün Xirosimada idim. Ona dedim ki, biz tərəfdaşlarımızla Avropada ukraynalı pilotlara F-16 da daxil olmaqla dördüncü nəsil qırıcılarda təlim keçməyə başlayacağıq", - deyə siyasətçi vurğulayıb.


Bayden qeyd edib ki, ABŞ və 50 ölkədən ibarət koalisiya Ukraynaya “tarixi yardım” göstərməyə çalışır. 


Onun sözlərinə görə, bu, ukraynalılara “özlərini bu gün və gələcəkdə qorumağa” kömək edəcək.




Daşqın Həsənov
Missiya.Az



  • 2-06-2023, 10:31