AZ   |   RU
Hulusi Kılıç: “Bundan sonra Türk Ağsaqqalları Birliyinə daha çox vaxt ayıracam”

Türkiyənin Azərbaycanda sabiq səfiri Hulusi Kılıç Türk Ağsaqqalları Birliyinin Türkiyə və Türk dünyası üzrə həmsədri seçilib.

Missiya.Az
xəbər verir ki, bu barədə keçmiş səfir “Haber Qlobal”a açıqlamasında da bildirib.

“Bu önəmli birliyi yaradan və əməyi keçən, ayrıca məni Türk Ağsaqqalları Birliyinin Türkiyə və Türk dünyası üzrə həmsədri seçən dəyərli qardaş və bacılarıma təşəkkür edirəm. Bu müqəddəs yola çıxdıq. Yolumuz açıq olsun. Mİllətimizə xidmət etmək şərəfdir. Ömrümün sonuna qədər millətimə xidmət etməyə qərarlıyam. Bundan sonra Türk Ağsaqqalları Birliyinə daha çox vaxt ayıracam”, - deyə tanınmış diplomat vurğulayıb.

Qeyd edək ki, Türk Ağsaqqallar Birliyi yarandığı ilk aylarda Təşkilat Komitəsində Hulusi bəylə bağlı məsələ gündəmə çıxarılıb. Tanınmış diplomat Türk dünyası və Türkiyə-Azərbaycan əlaqələrinin inkişafındakı xidmətlərinə görə TAİB-in Türkiyə və Türk dünyası üzrə həmsədri seçilib.


ELCAN
Missiya.Az


Baxış sayı: 169
  • 28-09-2022, 16:24