Belarusdakı çoxlu sayda rus qoşunu Ukrayna üçün təhlükə yaratmır.
Missiya.Az "UNİAN"a istinadən xəbər verir ki, bu barədı Böyük Britaniyanın Müdafiə Nazirliyi özünün "tviter" səhifəsində məlumat yayıb.
Nazirlik xatırladıb ki, 2023-cü il yanvarın 8-də Belarus Müdafiə Nazirliyi Rusiya Federasiyası ilə 2023-cü il yanvarın 16-dan fevralın 1-dək ölkədə keçiriləcək birgə taktiki-uçuş təlimləri elan edib.
Bildirilib ki, Z işarəsi olan bəzi təyyarələr Minsk yaxınlığındakı Maçulişçi aviabazasına eniş edib.
"Rusiya aviasiyasının Belarusda yeni yerləşdirilməsi çox güman ki, Ukraynaya qarşı bəzi əlavə hücum əməliyyatlarına hazırlıq deyil, real təlimdir”, - deyə məlumatda vurğulanıb.
Qeyd olunub ki, Rusiya Belarusda çoxlu sayda qüvvə saxlasa da, onlar əsasən təlimlərdə iştirak edirlər. Həmin qüvvələrin Ukraynaya hücum təşkil edəcəyi ehtimalı azdır", - deyə Nazirlik əlavə edib.
Daşqın Həsənov
Missiya.Az