“İran uranın dinc məqsədlərlə zənginləşdirilməsindən vaz keçmək niyyətində deyil, Nüvə Silahlarının Yayılmaması Müqaviləsindən irəli gələn öhdəliklərə əməl etməyə davam edərək, digər dövlətlərin bu məsələdə Tehranı məhdudlaşdırmaq hüququ yoxdur”.

Missiya.Az xəbər verir ki, bunu İranın xarici işlər nazirinin müavini Məcid Taxt-Rəvançi “ARD” telekanalına müsahibəsi zamanı deyib.

"Biz Nüvə Silahlarının Yayılmaması haqqında Müqavilənin vicdanlı iştirakçısıyıq, bu əsasda uranı dinc məqsədlər və ölkəmizin mənafeyi üçün zənginləşdiririk. Müqavilə üzrə öhdəliklərimizə əməl etdiyimiz müddətdə heç kim bizə nə edəcəyimizi deyə bilməz", - deyə siyasətçi vurğulayıb.

Rəvançı qeyd edib ki, iyunun 21-dən 22-nə keçən gecə ABŞ Hərbi Hava Qüvvələrinin endirdiyi zərbələrdən sonra İranın nüvə proqramının vəziyyəti ilə bağlı açıqlama vermək niyyətində deyil.

Onun sözlərinə görə, partlayışın özü açıq-aşkar təcavüz aktıdır.

Rəvançi bildirib ki, İran bu vəziyyətdə təcavüz qurbanıdır və BMT Nizamnaməsinin 51-ci maddəsinə uyğun olaraq buna cavab vermək hüququna malikdir. Eyni zamanda diplomat İranın ABŞ-ın Yaxın Şərqdəki bazalarına zərbələr endirməsi ehtimalını şərh etməyib.

Daşqın Həsənov
Missiya.Az