“Rusiya və Ukrayna danışıqların üçüncü raundunu keçirəcək”. 

Missiya.Az xəbər verir ki, bu barədə Türkiyənin xarici işlər naziri Hakan Fidan “TRT HABER”ə müsahibəsi zamanı məlumat verib.

"Tərəflər danışıqların növbəti raundu ilə bağlı razılığa gəliblər. Biz bu görüşü səbirsizliklə gözləyirik", - deyə siyasətçi vurğulayıb.

Fidan qeyd edib ki, biz ilk gündən sülh üçün səylər göstəririk və iyunun 2-də keçirilən görüşdə tərəflərlə liderlərin sammitini də müzakirə etdik:

“İstanbulda keçirilən görüşdə tərəflər bir çox mövzuda razılığa gəliblər. Rusiya Prezidenti Vladimir Putin, ABŞ dövlət başçısı Donald Tramp və Ukrayna lideri Volodimir Zelenskinin bir araya gəlməsi çox vacibdir. Hər üç liderin eyni anda Türkiyə Prezidenti Rəcəb Tayyib Ərdoğandan başqa güvəndiyi ad yoxdur. Bu, iki ölkə arasında müharibə deyil, qlobal miqyasda yayılma riski olan bir müharibədir. Prezidentimiz münaqişənin əvvəlindən həm regional rəhbərlərə, həm də hər iki tərəfin rəhbərliyinə tez-tez zənglər edir”, - deyə siyasətçi əlavə edib. 

Daşqın Həsənov
Missiya.Az