Yenidən seçilmək, namizəd olmaq kimi bir dərdim yoxdur, yeni konstitusiya mənə yox, ölkənin rifahı üçün lazımdır.
Missiya.Az xəbər verir ki, bunu Macarıstandan TDT-nin qeyri-rəsmi zirvə toplantısından qayıdarkən jurnalistlərin suallarını cavablandıran Türkiyə Prezidenti Rəcəb Tayyib Ərdoğan deyib.
"Yəni AK Partiya olaraq bizim belə bir problemimiz yoxdur, digər siyasi partiyaların çoxunun da belə bir problemi yoxdur. İlk dörd bənddə problem olmadığı üçün biz ancaq yol xəritəsini müəyyən edəcəyik. Biz tez bir zamanda nümayəndə heyətlərimizi formalaşdıra bilərik. Baş nazir olduğum müddətdə belə bir araşdırma etdik, yenə edə bilərik, çox vaxt aparmayacaq. Biz yeni konstitusiyanı özümüz üçün deyil, ölkəmiz üçün istəyirik", -Ərdoğan vurğulayıb.
Türkiyə lideri bildirib ki, Türkiyənin milli gəliri indi güclü mövqeyə çatıb: "Biz vəzifəyə gələndə rəqəmlər nə idi, indi rəqəmlər haradadır? İxracatda 265-270 milyard dollar səviyyəsinə çatmışıq. Digər tərəfdən adambaşına düşən milli gəlirimiz o illərlə müqayisədə pik həddə çatmağa, ehtiyatlarımız da qalxmağa başlayıb. Xəzinəmiz hazırda valyuta ehtiyatları baxımından güclüdür".
Zərintac Mayisqızı
Missiya.Az
