"Narkotikin dövriyyəsinə qarşı mübarizə daha da kəskinləşməlidir. Cinayət Məcəlləsində 8 ildən 15 ilə qədər göstərilib. Hər gün televiziyaya baxanda görürük ki, 20, 30 və s. kiloqram narkotik tutulub. Bununla məşğul olan xeyli sayda insan həbs olunur. Hüquq-mühafizə orqanları xeyli iş aparır. Artıq yeni texnologiyaya keçiblər. Narkotiki dron vasitsə keçirirlər. Bunun da qarşısı alınır". 

Missiya.Az "Unikal"a istinadən xəbər verir ki, bunu Milli Məclisin bu gün keçirilən plenar iclasında çıxışı zamanı deputat Siyavuş Novruzov deyib. 

"Həm də ciddi şəkildə vətəndaş müabrizəsinə ehtiyac var. Narkotik ölümdü və insanların həyatını məhv edir. Narkotikin ən çox keçirildiyi yer İrandır. Bu ölkədə narkotiklə bağlı bir maddə var, o da ölüm hökmüdür. Azərbaycanda ölüm hökmü yoxdur. Ümumilli lider tərəfindən bu hökm götürülüb. Amma ölkəmizdə bununla bağlı maddənin daha da ağırlaşdırılması məsələsinə baxmalıyıq. Narkotik dövriyyəsi məktəblərə, digər strukturlara da daxil olmasın, qarşısı alınsın. Bu, gözəgörünməz müharibədir. Bu müharibədə hamılıqla iştirak etməliyik", -deyə deputat bildirib.