İsrailin Baş naziri Benyamin Netanyahu ABŞ Prezidenti Donald Trampla qarşıdurmaya hazırlaşır və Ağ Ev rəhbərinin fundamental zəif nöqtəsini müəyyən etməyə çalışır.

Missiya.Az xəbər verir ki, bu barədə “Israel Hayom” qəzeti yazı dərc edib. 

“Netanyahu Trampın Yaxın Şərq turuna hazırlaşdı, lakin Ağ Ev rəhbəri İsraili kənarda qoydu”, - deyə vurğulanıb.

Bildirilib ki, diplomatik hazırlıqlarla yanaşı, Netanyahu nazirlər, yüksək səviyyəli müdafiə rəsmiləri və Trampın xüsusi nümayəndələri ilə intensiv məsləhətləşmələr aparıb. 

“Bu prosesdə Netanyahunun Trampa qarşı çıxmaq üçün xüsusi komanda yaratdığı bildirilib, lakin bu komandanın üzvləri açıqlanmayıb”, - deyə vurğulanıb.

Qeyd olunub  ki, həssas məsələlərin həlli ilə məşğul olan bu komanda diplomatiya və ya təhlükəsizlik məsələlərinə deyil, siyasi və media strategiyalarına diqqət yetirib.

Daşqın Həsənov
Missiya.Az