2024-cü ildə Rusiyanın milli valyutalarla həyata keçirilən xarici ticarətinin payı 2020-ci ildən üç dəfədən çox artaraq 79,8 faiz təşkil edib.

Missiya.Az xəbər verir ki, bunu Rusiya baş nazirinin müavini Aleksey Overçuk deyib.

2020-ci ildə bu rəqəm cəmi 25% olub. Overçuk qeyd edib ki, Rusiyanın xarici tərəfdaşlarla milli valyutalarda qarşılıqlı hesablaşmaların praktiki həyata keçirilməsinə keçməsi dollardan iqtisadi silah kimi istifadənin nəticəsidir.

Belə ki, Çin Xalq Respublikası (ÇXR) ilə hesablaşmaların 95%-dən çoxu yuan və rublla aparılır, Aİİ ölkələri ilə milli valyutalarda hesablaşmaların payı 93%, Hindistanla 90% təşkil edir.

Overçuk bildirib ki, Rusiyanın xarici bazarını 481 milyon nəfərə çatdıran sazişlər 2025-ci ilin sonuna qədər bağlana bilər, məsələn, Hindistanla danışıqlar aparılır, Pakistanla azad ticarət sazişi müzakirə olunur.

Baş nazirin müavini əlavə edib ki, Avrasiyada vəzifə təxminən 2,2 milyard insan tutumu olan bazarlara sərbəst çıxışı təmin etməkdir.



Zərintac Mayisqızı
Missiya.Az