“Azərbaycan Prezidenti İlham Əliyevə və xalqına Şimali Kipri dəstəklədiyi üçün təşəkkür edirəm. Onlar hər şeyin pulla olmadığını sübut etdilər”.

Missiya.Az xəbər verir ki, bu sözləri Türkiyədə təhlükəsizlik siyasəti üzrə ekspert Mete Yarar "Haber Global"ın canlı proramında Qazaxıstan, Özbəkistan, Türkmənistan və Qırğızıstan kimi türk dövlətlərinin Avropa İttifaqının 12 milyard avro həcmində investisiya vədi ilə saziş çərçivəsində Şimali Kipr Türk Respublikasını tanımayacaqları barədə bəyanatını şərh edərkən deyib.

O bildirib ki, Azərbaycan Qazaxıstan, Özbəkistan və Türkmənistandan fərqli olaraq Şimali Kipri dəstəklədi və özünün kifayət qədər problemi olmasına baxmayaraq, ədaləti satmadı:

“Məgər Azərbaycanın problemi yoxdur? Avropa İttifaqı ilə qarşıdurmaları olmur? Avropa ilə problemlərini həll edə bilməzdi? Qarabağ məsələsində sülh sazişi imzalanıbmı? Bir sıra nifaq toxumu əkilmirmi? Amma nə baş verdi? Aslan kimi ayaqda duraraq, sözünün arxasında dayanır” - deyə o vurğulayıb.

Onun sözlərinə görə, Azərbaycan Türkmənistandan daha varlı olmadığı halda pula görə, Türkiyəni satmadı.

Daşqın Həsənov
Missiya.Az