“Ermənistan-Azərbaycan sərhədində vəziyyət nisbətən sabitdir”. 

Missiya.Az “Armenpress”ə istinadən xəbər verir ki, bu barədə Ermənistan müdafiə nazirinin müavini Arman Sarkisyan jurnalistlərə müsahibəsi zamanı məlumat verib.

O bildirib ki, hazırda sərhəddə Azərbaycan qoşunlarının cəmləşməsi yoxdur:

“Belə bir problem yaranarsa, Müdafiə Nazirliyi təbii olaraq tədbirlər görəcək” – deyə siyasətçi vurğulayıb.

Sarkisyan qeyd edib ki, Ermənistan Silahlı Qüvvələri öz səlahiyyətləri və vəzifələri çərçivəsində fəaliyyətini həyata keçirir.

"Prioritet məsələ təhlükəsizliyin təmin edilməsidir. Bir daha qeyd etmək istərdim ki, hazırda cəbhə xəttində vəziyyət nisbətən sabitdir. Hər hansı problem yaranarsa, biz dərhal məlumat verəcəyik”, - deyə siyasətçi əlavə edib.

Daşqın Həsənov
Missiya.Az