“İsrail İrana qarşı potensial hərbi əməliyyata rəhbərlik edə bilər”.

Missiya.Az xarici mediaya istinadən xəbər verir ki, bunu ABŞ prezidenti Donald Tramp Oval kabinetdə jurnalistlərin Tehranın nüvə sazişi ilə razılaşmadığı təqdirdə İrana qarşı hərbi vasitələrdən istifadənin mümkünlüyü ilə bağlı sualına cavab olaraq deyib.

"İsrail açıq-aydın şəkildə bu işdə yaxından iştirak edəcək deyən ABŞ lideri bununla İsrailin İrana zərbə endirəcəyinə açıq işarə etmiş olub.

Tramp qeyd edib ki,  zərurət yaranarsa, ABŞ İrana qarşı hərbi güc tətbiq edəcək. O həmçinin  bunun nə qədər vaxt aparacağına dair cədvəlin olduğunu da vurğulayıb.

ABŞ prezidenti bildirib ki, şənbə günü Omanda keçirilməsi planlaşdırılan sammitdən çox şey asılıdır. 

Qeyd edək ki, sammitdə ABŞ-ni Trampın Yaxın Şərq üzrə nümayəndəsi Stiv Vitkoff, İranı isə xarici işlər naziri Abbas Əraqçi təmsil edəcək.

"Vaxtımız azdır, çox vaxtımız yoxdur. Onların nüvə silahına sahib olmasına icazə verməyəcəyik. Biz onların çiçəklənməsinə icazə verəcəyik. Onların çiçəklənməsini istəyirəm. Onların malik ola bilməyəcəyi yeganə şey nüvə silahıdır. Onlar da bunu başa düşürlər", - ABŞ prezidenti vurğulayıb.

Elcan

Missiya.Az