Aprelin 4-ü bir neçə tarixi şəxsimizin doğum və anım günləri ilə yadda qalıb.

Missiya.Az onları təqdim edir:

1. Azərbaycan Milli kino sənətinin görkəmli nümayəndəsi, Xalq artisti Muxtar Maniyev 1935-ci ilin bu günü Bakıda anadan olub.

Muxtar Maniyevin kinoya gəlişi "Onu bağışlamaq olarmı?" filmi ilə başlayıb. Onun ömrü də kino kimidir. Bu qədər filmə çəkilmək hər aktyora qismət olmur. Xalq artisti 157 filmə çəkilib. Böyük sənətkar uzun illər ürək-qan dövranının pozulması və şəkər xəstəliyindən əziyyət çəkib. Vəziyyəti getdikcə pisləşən M. Manıyevin 2015-ci il 11 avqust tarixində sol ayağı, 2016-cı ilin mart ayının 15-də isə sağ ayağı Elmi Cərrahiyyə Mərkəzində amputasiya edilib. Səhhəti stabil olan aktyorun durumu 22 dekabrda yenidən pisləşib, səhər saatlarında dünyasını dəyişib. Sağlığında etdiyi vəsiyyətinə əsasən, Qala qəsəbəsində valideynlərinin yanında torpağa tapşırılıb. Bakının Yasamal rayonu Sovetski ərazisində bir neçə məhəlləyə sənətkarın adı verilib.

2. Xalq şairi Qabil 4 aprel 2007-ci ildə dünyasını dəyişib.

Qabil İmamverdiyev 12 avqust 1926-cı ildə Bakı şəhərində doğulub. "Mənim mavi Xəzərim", "Ömrüm boyu", "Nəsimi" (I–III kitab), "Ömrün həbləri" və s. kitabları var. 

3. Azərbaycanın Milli Qəhrəmanı Samid İmanov 2016-cı ilin bu günü Talış kəndi uğrunda gedən döyüşlərdə qəhrəmancasına şəhid olub. Samid Gülağa oğlu İmanov 14 oktyabr 1981-ci ildə Neftçala rayonunun Həsənabad qəsəbəsində Gülağa və Xuraman İmanovların ailəsində dünyaya göz açıb. Ailənin birinci oğul övladı olub. Onun özündən böyük Aybəniz və Gülbəniz (d. 1978) adında iki bacısı, Sadiq adında isə bir qardaşı var.


Zərintac Mayisqızı
Missiya.Az