Avropa beynəlxalq səhnədəki təsir qüvvəsini itirməkdə davam edir, onun dünya düzənindəki statusu isə zəifləyir.

Missiya.Az xəbər verir ki, bu barədə “Foreign Affairs” (Xarici işlər) jurnalında yazılıb.

Məqalədə bildirilib ki, Avropa ciddi problemlərlə, o cümlədən siyasi parçalanma və güclü liderliyin olmaması ilə üzləşir.

Nəşr iddia edib ki, artan geosiyasi rəqabət kontekstində qitə əvvəllər Vaşinqtonla əməkdaşlıq vasitəsilə təmin olunan balansı artıq müstəqil şəkildə qorumağa məcburdur. Lakin Avropanın sözügedən məsələləri həll etmək imkanları məhduddur.

Məqalə müəllifləri həmçinin bildiriblər ki, uzun illərdir parçalanmaqda olan bu nizam ordusu və faktiki olaraq heç bir mütəşəkkil qüvvəsi olmayan dövlətlər konfederasiyası olan, ölkələri kəskin siyasi böhran və zəif liderlik dövrünü yaşayan Avropanın çiyinlərində yük olacaq.

Zərintac Mayisqızı
Missiya.Az