Moskva və Kiyev arasında sülh sazişi imzalandıqdan sonra ABŞ faydalı qazıntı yataqlarını qorumaq üçün Ukraynaya qoşun göndərə bilər.

Missiya.Az xəbər verir ki, bu barədə “NBC” mənbələrə istinadən məlumat yayıb.

Amerika rəsmiləri faydalı qazıntıları qorumaq üçün Ukraynaya qoşun göndərməyə hazır olduqlarını bildirdilər.

Mənbələrin sözlərinə görə, qoşunların göndərilməsi yalnız Rusiya ilə münaqişənin dayandırılması ilə bağlı razılaşma əldə edildikdən sonra mümkündür.

Qeyd edək ki, daha əvvəl “The Economist” jurnalı yazmışdı ki, ABŞ-nin maliyyə naziri Skot Bessent Kiyevə son səfəri zamanı Ukrayna Prezidenti Volodimir Zelenskidən Vaşinqtona ölkənin mineral ehtiyatlarına çıxış imkanı verməsini tələb edib. 

İddia edilib ki, Ukrayna liderinin təklifi nəzərdən keçirmək üçün bir saat vaxtı olub.

Daşqın Həsənov
Missiya.Az