“Türkiyə Ukraynada sülhə və ölkənin yenidən qurulmasına töhfə vermək üçün hər cür rolu oynamağa hazırdır”.

Missiya.Az xəbər verir ki, bunu Türkiyənin xarici işlər naziri Hakan Fidan “TRT World”ə müsahibəsi zamanı deyib.

Onun sözlərinə görə, hər şeydən əvvəl Rusiya ilə Ukrayna arasında atəşkəs və uzunmüddətli bir sülh planına ehtiyac var:

"Hazırda ABŞ rəhbərliyi, avropalılar və hamımız mümkün atəşkəs və sülh planının müxtəlif aspektləri üzərində işləyirik. Bununla belə, qısamüddətli təcili atəşkəs ehtiyacını uzunmüddətli strateji narahatlıqlarla birləşdirmək indi çox vacib olan məsələdir", - deyə siyasətçi vurğulayıb.

Fidan qeyd edib ki, ideal bir dünyada biz Ukraynanın ərazi bütövlüyünün qorunub saxlanmasını istərdik. Amma hazırda müharibə dövründəyik və təəssüf ki, bu müharibənin nəticəsi olaraq bəzi seçimlər etmək məcburiyyətindəyik.

Daşqın Həsənov
Missiya.Az