Müğənni Nadir Qafarzadə böyük oğlu Loğmanı xaricdə oxutdurmasından peşman olduğunu deyib.

Missiya.Az xəbər verir ki, o, bu barədə “Tarixin bir günü” verilişində danışıb.

“Oğlum Loğman İsveçrənin Cenevrə şəhərində ali təhsil aldı. Gedib orada oxudu, aldığı diplom da evdədir. Onun aldığı o təhsilə burada iş yoxdur. Loğman ingilis dilində biznes menecer üzrə təhsil alıb. Mən onun təhsilinə frank pul vahidi ilə pullar xərcləmişəm. Frank dollardan baha, avroya yaxındır. O pula burada çayxana aça və bundan çox yaxşı pul qazana bilərdim. Kimə lazımdır axı təhsil? Uşaqlar baxıllar və görürlər ki, təhsilli insanlara önəm vermirlər. Qızlar, oğlanlar düşünürlər ki, neynirəm gedib 4-5 il oxuyum. Onlar “TikTok”da oturub, canlı yayımlar açıb, rahat pul qazanırlar. Acı həqiqət bax budur”, - İfaçı bildirib.

Qeyd edək ki, N.Qafarzadənin Əziz adlı daha bir oğlan övladı var. O, ifaçılıqla məşğul olur.

Zərintac Mayisqızı
Missiya.Az