Müğənni Gülay Zeynallı efirə gec-gec çıxmasının səbəbini açıqlayıb.

Missiya.Az xəbər verir ki, o “İzzət şou”da aparıcı İzzət Bağırovun bu barədə verdiyi sualı cavablandırıb.

“Təbii ki, televiziya işçilərinin arasında dəyərli dostlarım, yaxşı aparıcılar, insanın sənətindən öncə şəxsiyyətinə dəyər verənlər var. İnandığım, güvəndiyim insanların verilişlərinə rahat gedirəm. Proqramın ortasında nəsə xoşuma gəlmirsə, hörmətsizlik edib getmək istəmirəm. Biz də böyümüşük, ailəmiz, övladımız var. Reytinq xatirinə verilişə çıxmaq istəmirəm. Çox təəssüf ki, bəziləri onun ardınca qaçır, amma qaçmayanların həmişə yanında oluram. Bu, o demək deyil ki, özündən razılıq edir, verilişlərə getmir. Yox. Biz bu yerə söz-söhbətlə, qalmaqalla gəlib çıxmamışıq ki, bundan sonra reytinq xatirinə olan söz-söhbətləri qəbul edək. Mənim normal yaşım var, amma anam verilişə çıxanda deyir ki, çox danışma. Qısa-konkret fikrini bildir”, - İfaçı qeyd edib.

Zərintac Mayisqızı
Missiya.Az