“İran həmişə Ermənistanın böyüməsini, o cümlədən güclənməsini dəstəkləyib və iki ölkə arasında münasibətlər tədricən lazımi yetkinlik səviyyəsinə çatıb”.

Missiya.Az “NEWS.am”a istinadən xəbər verir ki, bunu İranın Ermənistandakı səfiri Mehdi Sübhani mətbuat konfransı zamanı deyib.

“Bu gün ikitərəfli münasibətlərimizdə qarşılıqlı anlaşma var. İran bunu regionda davamlı sülh və sabitliyin bərqərar edilməsinə sadiqliyi hesab edir. İran beynəlxalq səviyyədə tanınmış sərhədlərin dəyişdirilməsinin, geosiyasi dəyişikliklərin və regional problemlərin həlli üçün güc tətbiqinin qəti əleyhinədir. İran ölkələrin, xüsusən də Ermənistanın ərazi bütövlüyünü qətiyyətlə dəstəkləyir. Yalan xəbərlərin, təhdidlərin və şübhəli videoların yaradılması iki ölkə arasında möhkəm münasibətləri poza, yaxud aramızda parçalanma və şübhə yarada bilməz”, - deyə diplomat vurğulayıb.

Onun sözlərinə görə, iki ölkə arasında münasibətlərin gələcəyi çox aydındır və heç kim onu yayındıra bilməz.

Sübhani qeyd edib ki, yaşasın Ermənistan, yaşasın İran.

Daşqın Həsənov
Missiya.Az