Fevralın 6-na olan hava proqnozu açıqlanıb.

Bu barədə Missiya.Az-a Milli Hidrometeorologiya Xidmətindən bildirilib.

Belə ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Günün birinci yarısında bəzi yerlərdə çiskinli yağış yağacağı ehtimalı var. Arabir güclənən şimal qərb küləyi əsəcək. Havanın maksimal temperaturu 6-8 dərəcə isti təşkil edəcək. Bölgələrdə də arabir yağıntılı hava şəraiti gözlənilir. Dağlıq və dağətəyi rayonlarda qar yağacaq.

Ayrı-ayrı yerlərdə yağıntıların intensivləşəcəyi ehtimalı var. Qərb küləyi bəzi bölgələrdə arabir güclənəcək. Havanın maksimal temperaturu Aran rayonlarında 5-9 dərəcə isti, dağlıq ərazilərdə isə 0-5 dərəcə şaxta olacaq.