“Rusiya-Ukrayna müharibəsi danışıqlarla bitməli və hər iki tərəf güzəştə getməlidir”.

Missiya.Az xəbər verir ki, bunu ABŞ dövlət katibi Marko Rubio amerikalı jurnalist Meqin Kelliyə verdiyi müsahibəsi zamanı deyib.

“Biz insanlara Ukraynanın nəinki Rusiyanı məğlub edə, əksinə onu məhv edə biləcəyinə inanmağa imkan verdik, onları 2012 və ya 2014-cü ildəki dünyanın göründüyü vəziyyətə qaytardıq”, - deyə siyasətçi vurğulayıb.

Rubio bildirib ki, bu, son bir il yarım ərzində maliyyələşmənin dalana dirənməsinə gətirib çıxarıb.

"Bu arada Ukrayna 100 il geri çəkilir. Onların enerji sistemi dağıdılır. Kimsə münaqişədən sonra bütün bu yenidənqurma xərclərini ödəməli olacaq və siz bilirsiniz ki, nə qədər ukraynalı ölkəsini tərk edərək indi başqa ölkələrdə yaşayır. Onlar ola bilər ki, heç vaxt geri qayıtmayacaqlar və bu, onların gələcəyini təhlükə altına qoyur”, - deyə diplomat əlavə edib.

Daşqın Həsənov
Missiya.Az