Banan çox sevilən və xeyirli meyvələrdəndir, həm də doyumludur. Sözügedən meyvə vitamin baxımından çox zəngindir. Uşaqlar da mütləq istehlak etməlidir. Tərkibində A vitamini, B6 vitamini, B12 vitamini, C vitamini və D vitamini var.

Bəzilərimiz banan yavaş-yavaş qaralmağa başlayanda onu yeməkdən çəkinirik. Həmin meyvənin müəyyən hissələrinin qaralması səbəbi uzun müddət istehlak edilməməsidir. Habelə ondan xəbər verir ki, yetişmə prosesi davam edir və içindəki şəkər artır. Bu hissələri kəsib yemək olar. Meyvə yetişdikcə etilen istehsalının miqdarı azalır. Bananda isə bunun tam əksi olur, ümmiyyətlə çürüyənə qədər etilen (alken sırasına daxil olan doymamış karbohidrogen) istehsal edir.

Sözügedən meyvəni hansı hallarda yemək olmaz?

Kiflənibsə: Əgər bananın qabığında və ya içində kif əlamətləri varsa, yemək tövsiyə edilmir;

Çürüyübsə: Həmin meyvədə yapışqan və ya maye sızması varsa, bu, çürüdüyünü göstərir;

Uzun müddət saxlanılıbsa: Qaralmış bananı otaq temperaturunda bir neçə gün saxlamaq olar, amma daha uzun vaxt keçibsə və xüsusilə isti mühitdə qalıbsa, təhlükəli ola bilər. 

Zərintac Mayisqızı
Missiya.Az