“Biz dövlət və millət olaraq Fələstində baş verən insanlığa qarşı cinayətlərə əvvəldən susmamağı insanlıq borcumuz hesab etmişik”.

Missiya.Az “STAR”a istinadən xəbər verir ki, bunu Türkiyə prezidenti Rəcəb Tayyib Ərdoğan ”10 dekabr Dünya İnsan Haqları Günü” münasibəti ilə paylaşımında deyib.

“Biz bütün imkanlarımızla fələstinli qardaşlarımızın yanında olduq və bunu davam etdiririk. Qəzzada və digər Fələstin ərazilərində atəşkəsə nail olmaq və davamlı sülhün bərqərar olması üçün səylərimizi davam etdiririk”, - deyə siyasətçi vurğulayıb.

Ərdoğan qeyd edib ki, bu gün Qəzza və işğal olunmuş Fələstin torpaqları bütün dünyanın gözü qarşısında insan haqlarının pozulduğu yerlər sırasındadır. İnsan haqları müdafiəçisi olduqlarını iddia edənlərin Fələstində baş verən vəhşiliklərə üstüörtülü və ya açıq şəkildə dəstək verməsi tarixdə qara ləkə kimi yadda qalacaq.

Daşqın Həsənov
Missiya.Az