“ABŞ Suriyada hakimiyyətin sülh yolu ilə ötürülməsini dəstəkləyir”.

Missiya.Az “CNN”ə istinadən xəbər verir ki, bunu ABŞ dövlət katibi Entoni Blinken deyib.

"Bu keçid dövründə Suriya xalqının dövlət qurumlarının qorunub saxlanmasını, əsas xidmətlərin bərpasını və həssas icmaların qorunmasını tələb etmək hüququ var", - deyə siyasətçi vurğulayıb.

Blinken bildirib ki, ABŞ Bəşər Əsəd rejimi və onun tərəfdarlarının Suriya xalqına qarşı törədilən vəhşiliklərə və sui-istifadələrə görə məsuliyyət daşıması üçün beynəlxalq səyləri dəstəkləyəcək. 

Onun sözlərinə görə, ABŞ “Həyat Təhrir əş-Şam” üsyançı koalisiya liderlərinin bəyanatlarını nəzərə alıb:

“Onlar böyük məsuliyyət götürdükləri üçün biz təkcə onların sözlərini deyil, həm də hərəkətlərini qiymətləndirəcəyik”, - deyə Blinken əlavə edib.

Daşqın Həsənov
Missiya.Az