“Azərbaycan Uşaqları” İctimai Birliyinin (AUİB) Naxçıvan Muxtar Respublikasına səfəri çərçivəsində Naxçıvan MR Ailə, Qadın və Uşaq Problemləri üzrə Dövlət Komitəsində görüş keçirilib. 

Bu barədə Missiya.Az-a AUİB-in mətbuat katibi Rüfət Zəkizadə bildirib. 

"Azərbaycan Uşaqları" İctimai Birliyinin sədri Kəmalə Ağazadə və nümayəndə heyəti, Uşaq Sığınacağı-Reinteqrasiya Mərkəzinin uşaqları Komitə sədri Ramilə Seyidova və əməkdaşlar ilə görüşüb. 

Görüşdə Komitə sədri Ramilə Seyidova, "Azərbaycan Uşaqları" İctimai Birliyinin sədri Kəmalə Ağazadə və digərləri ölkəmizdə uşaq hüqularının qorunması istiqamətində həyata keçirilən uğurlu dövlət uşaq siyasətindən bəhs edib, Uşaq Sığınacağı-Reinteqrasiya Mərkəzinin sakinlərinin muxtar respublikaya səfərinin uşaqların həyatlarında xoş xatirələrlə və maraqlı məqamlarla yadda qalacağını qeyd ediblər. Vurğulanıb ki, dövlətin və qeyri-hökumət təşkilatlarının birgə fəaliyyəti nəticəsində, uşaqların təhsili, sağlamlığı və ümumilikdə rifahı ilə bağlı bir çox mühüm təşəbbüslər həyata keçirilir. Belə görüşlər, həm də bu sahədəki uğurların bir təzahürüdür və gələcəkdə daha geniş proqramların həyata keçirilməsinə zəmin yaradır.