Terrorla mübarizəmizdə heç nə dəyişməyəcək. Qətiyyətimizi eyni şəkildə davam etdirəcəyik. 

Missiya.Az xəbər verir ki, bunu Türkiyə Prezidenti Rəcəb Tayyib Ərdoğan Qırğızıstanvə Macarıstan səfərlərindən sonra vətənə qayıdarkən təyyarədə jurnalistlərə açıqlamasında bildirib.

Türkiyə Prezidenti qeyd edib ki, indiyə kimi İraqın dərinliklərinə nüfuz etmək, oradakı terrorçuları təqib etmək, terroru mənbəyində məhv etmək üçün mübarizəmiz barışmaz şəkildə davam edir:

“Sözlə ifadə etdiyimiz kimi, sərhədlərimizdən kənarda da terror təşkilatının yaradılmasına imkan verməyəcəyimizi əməldə də nümayiş etdiririk. Bu mübarizədən geri çəkilmək və ya mübarizəni rahatlaşdırmaq mümkün deyil, bu, olmayacaq. Türkiyə özünü qorumaq üçün lazımi tədbirləri görməkdən əsla çəkinməyəcək. Sərhəd təhlükəsizliyimiz istiqamətində atdığımız hər addım terrorçuların keçid yollarını bağlamaq məqsədi daşıyır və sərhəd təhlükəsizliyimizi qabaqcıl texnologiya və personalla artırırıq”.



Leyla SƏMƏNDƏR
Missiya.Az