"İran prezidenti Məsud Pezeşkianın COP29 sammiti çərçivəsində Bakıya səfər edəcəyi xəbəri doğrudursa, o, təhlükəli tələyə düşüb”.

Missiya.Az xəbər verir ki, bunu İranın “Keyhan” qəzetinin redaktoru Hüseyn Şəriətmədari deyib.

O, bildirib ki, İsrail prezidenti İsaak Hersoq da konfransa qatılacaq və Pezeşkianın onunla eyni sammitdə olmasına necə məhəl qoymamaq olar?

“Azərbaycanın müsəlman ölkə olaraq İsraili sammitə dəvət etməyə haqqı yoxdur. Bu, İslama və müsəlmanlara xəyanətdir. Biz Pezeşkiandan nəinki konfransda iştirakdan imtina etməsini, həm də Bakıya kəskin etirazını bildirməsini gözləyirik. Açıq-aydın görünür ki, Bakı sammitinə nə Pezeşkian, nə də İrandan heç bir nümayəndə heyəti qatılmamalıdır və şübhəsiz ki, qatılmayacaqlar”, - deyə jurnalist vurğulayıb.

 Şəriətmədari qeyd edib ki, İranın Qərbyönümlü siyasətçilərinin hansı motivlə Pezeşkianı Azərbaycanda keçiriləcək konfransda iştiraka sövq etmələri məlum deyil. Yəni onlar hələ də anlamırlar ki, İran prezidentinin və ya nümayəndə heyətinin Bakıda iştirakı İslam düşmənlərinin təhlükəli tələsinə düşmək deməkdir.

Daşqın Həsənov
Missiya.Az