Dünyanın bir çox ölkəsində solo konsertlər vermişəm. (Amerikada 4 dəfə) Hanısa dövlət tədbirində oxuyacam deyə kiməsə rüşvət vermək məcburiyyətində deyiləm. 

Missiya.Az xəbər verir ki, bu fikirlər müğənni Almaxanım Əhmədlinin  sosial media hesabında yer alıb,  lakin sonra onun paylaşımı silinib.

“Normalda müğənni iştirak etdiyi tədbirin qarşılığında hər hansı məbləğdə qonorar almalıdır. Mədəniyyət Nazirliyinin dövlət səviyyəli tədbirlərin təşkili sektorunun müdiri Mənzər Nurəliyeva  isə biz ifaçılardan rüşvət tələb edir. Niyə görə mən kiməsə rüşvət verməliyəm?  Bu xanım tədbirdə iştirak edənlərə"gələcək” vəd edir. Amma bunun üçün də gedib əvvəlcədən onu "görməlisiniz". Heyf, musiqimizi pula satanlar vəzifəsindən uzaqlaşdırılmalıdır. Nazirimizlə də dəfələrlə görüşmüşük. Çox sadə insandır. Mənzər amma deyir cibimi “görməsəz” sizi yaxına buraxan deyiləm”,-deyə paylaşımda bu kimi fikirlər yazılıb.

Qeyd edək ki, Mədəniyyət Nazirliyinin Dövlət əhəmiyyətli tədbirlərinin təşkili sektorunun müdiri Mənzərxanım Nurəliyeva ilə şair Vüqar Əhməd və qızı, tanınmış müğənni Almaxanım Əhmədli arasında qalmaqal yaşanır.

Mövzu ilə bağlı Mədəniyyət Nazirliyindən isə bildirilib ki, səsləndirilən iddiaların heç bir əsası yoxdur.

Leyla SƏMƏNDƏR
Missiya.Az