Alimlər "MAL" adlı yeni qan qrupu aşkar ediblər.

Missiya.Az xəbər verir ki, bu barədə "Blood" jurnalı məlumat yayıb.

Bildirilib ki, ənənəvi olaraq qan qrupları birinci, ikinci, üçüncü və dördüncü qruplara bölünür. Onların hər birində qırmızı qan hüceyrələri və ya eritrositlər xüsusi səth markerləri və ya antigenləri ehtiva edir. Bununla belə, qanın daha mürəkkəb bir quruluşu var və hazırda elm adamları 360-dan çox naməlum olanların mövcudluğunu nəzərə alaraq, ümumilikdə 47 qan qrupu sistemini kəşf ediblər.

Yeni sistem "MAL" zülalı ilə ötürülən "AnWj" antigeninə ( antigen - orqanizm üçün yad cisim olub, özünə qarşı spesifik immun reaksiyası yaradan maddələr) əsaslanır. Alimlər qeyd edirlər ki, məsələn, müsbət "AnWj" antigeni olan qan daşıyan şəxsə eyni mənfi antigeni olan insanın qanı vurula bilməz, çünki orqanizm onu qəbul etməyəcək. İnsanların 99 faizində müsbət "AnWj"nin olduğu da məlumdur.

Mütəxəssislərin fikrincə, sözügedən kəşf qanın unikal xüsusiyyətlərini, xüsusilə də qanköçürmə zamanı daha yaxşı başa düşməyə kömək edəcək.

Zərintac Mayisqızı
Missiya.Az