"Azərbaycan Uşaqları" İctimai Birliyinin “Mən böyüdüm” adlı aksiyası Tərtər və Ağcabədi rayonları üzrə xüsusi qayğıya ehtiyacı olan uşaqlarla başlayıb.
Missiya.Az xəbər verir ki, bu barədə AUİB-nin mətbuat katibi Rüfət Zəkizadə bildirib.
Onun sözlərinə görə Bilik Günü münasibəti ilə “Azərbaycan Uşaqları” İctimai Birliyi tərəfindən Tərtər rayonunda Tərtər və Ağcabədi rayonları üzrə 18 yaşadək əlilliyi müəyyən edilmiş şəxslər üçün sosial reabilitasiya mərkəzinin uşaqlarına görə təşkil edilmiş tədbir keçirilib:
"Tədbir çərçivəsində uşaqlara məktəb geyimləri, gündəlik geyimlər, məktəb ləvazimatları, çantalar, oyuncaqlar təqdim olunub".
Qeyd edək ki, “Azərbaycan Uşaqları” İctimai Birliyinin Tərtər rayonunda 18 yaşadək əlilliyi müəyyən edilmiş şəxslər üçün sosial reabilitasiya mərkəzi Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin maliyyə dəstəyi ilə fəaliyyət göstərir.
