Azərbaycan Respublikasının Əməkdar artisti, “Bülbüllər” qrupunun yaradıcısı Aybəniz Haşımova sosial şəbəkələrdə Firuzə İbadova ilə bağlı paylaşım edib.Həmin paylaşımı təqdim edirik:
Bəli, mən onu tanıyanda o, artıq indiki dəbdə olan ifadə ilə desək, “Ulduz” idi. Mənim üçün bu gün də “Ulduz”dur. Özü də heç vaxt sönməyəcək “Ulduz”. Onun haqqında bütün bildiklərimi, gördüklərimi söhbətləşmək istəyirəm sizinlə, dostlar... Çünki zaman elə surətlə gedir ki, bir də baxırıq çatmışıq müəyyən yaşa. Ömrün əlimizdən alıb nə qədər apardıqları var... Gəncliyimiz, sağlamlığımız, illərimiz, doğmalarımız, ümidlərimiz… Gözlədiyimiz.. O gözlədiyimiz ki, bir də heç vaxt qayıtmayacaq gəncliyimizin işiq dolu səsi... O, səs ki, hər zaman, hər kəs dinləmək, görmək arzusu ilə, cibinin ən sonuncu parasını bəlkədə bilet alıb “Azkonsert”, Filarmoniya səhnələrində Firuzə İbadovanı dinləmək üçün onun çıxış etdiyi konsertlərə gələrdi ONU sevən tamaşaçılar...
Firuzə İbadovanın çıxış etdiyi o əzəmətli konsertlərin dəfələrlə şahidi olmuşam. Onu yaxından dinləyib, hətta pərdə kənarından musiqi baxışını öyrənmişəm də. O, ulu öndər Heydər Əliyev tərəfindən imzalanmış Sərəncam əsasında açılmış Muğam sinfində Şövkət xanımın ilk tələbələrindən olub. Halbuki onun dərs almağa heç bir ehtiyacı yox idi. Bu, Şövkət xanıma böyük sevgisindən irəli gəlirdi.
Firuzə xanim “Lalə qızlar”, “Azkonsert”, “Göy-göl” ansamblı, Filarmoniya, “Dan ulduzu” ansamlının təqvimdə elə bir günü yox idi ki, təşkil olunmuş konsertlərdə iştirak etməsin (stadion, tarla, kolxoz, sovxoz). Hətta son yaxın illərdə o tədbirlərin birinin də təşkilatçısı şəxsən özüm olmuşam. Firuzə xanımın necə böyük şövqlə tədbirin gözəl keçməsi üçün əlindən gələni etməsinin şahidi olmuşam. Firuzə İbadovanın adi qırmızı həflərlə yazılan müğənnilər siyahisinda idi. Müqabilində isə Firuzə İbadova ayda cəmi bir dəfə maaş alardı. O da digər sənətkarlar kimi, xalqının qarşısında SAYSIZ çıxışlarının sonunu çox böyük sevgi, diqqət ilə ödəniləcəyini düşünürdü. Amma bu məqama üstünklük verməsə idi hazırda məcburiyyətdən çörək parası üçün xəstə halı ilə toylarda, şou proqramlarda oxumazdı. Firuzə xanım tək övladının deyil, bütün ailəsinin yükünü çəkib və məcburiyyətdən olduğu Bayıldakı bir otaqlı evini satdı. Onu gördüyümdə dərdimin üstünə dərd gəldi. Firuzə xanım səhnədə Azərbaycan incəsənətinə xidmət etməyə başlayanda mən özüm 1-ci sinfə belə, getmirdim. Mənim kimi bir çoxları...Düzdür, illər ötür, yaşın üstünə yaş gəlir və təbii ki, Firuzə xanım kimi musiqimizin, gənclərin yüksək musiqi zövgünün formalaşmasında xidməti olan sənətkarlar qocalır. Hətta səsini, səhnə gücünü də itirə bilərlər... Amma bu o demək deyil ki, onların əməyi itməli, unudulmalı və qiymətləndirilməməlidir. Onun üçün də aidiyyəti orqanlar bu kimi halları diqqətdə saxlamalı və Firuzə xanım kimi sənətkarların haqqını qiymətləndirməli, özlərindən incik salmamalıdırlar. Bu dünya onsuz da heç kimə qalan deyil... Heç olmaya, öləndə heç kimin gözü arxada qalmasın Şövkət xanim kimi... Allah heç kimi heç kəsə möhtac etməsin…
Missiya.Az
