Türkiyənin "ASELSAN” şirkəti 2024-cü ilin ilk 6 ayı üzrə maliyyə nəticələrini açıqlayıb.
Missiya.Az Türkiyə mətbuatına istinadən xəbər verir ki, bu barədə İctimaiyyəti Məlumatlandırma Platforması məlumat yayıb.
Bildirilib ki, ASELSAN-ın 2024-cü ilin ilk yarısında dövriyyəsi əvvəlki ilin eyni dövrü ilə müqayisədə 8 faiz artaraq 35,7 milyard TL-yə çatıb.
Nəticələrə görə, şirkət bu müddət ərzində maliyyə sabitliyini qoruyub.
İmzalanan yeni müqavilələr ötən ilin müvafiq dövrü ilə müqayisədə 124 faiz artaraq 2,6 milyard ABŞ dollarına çatıb.
Beləliklə, 2023-cü ilin sonunda 11 milyard ABŞ dolları olan ASELSAN-ın balans sifarişləri 11 faiz artaraq 12,3 milyard dollara çatıb.
ASELSAN baş direktoru Ahmet Akyol qeyd edib ki, ASELSAN-ın rəqəmlərdə nəzərə çarpan yüksək artım performansıyla hər gün uğur faizi yüksəlir.
“Ölkəmizin müdafiə sənayesi lideri olaraq 2024-cü ilin ilk altı ayında bir çox yeni və mühüm uğurlara imza atdıq. Maliyyə nəticələrimiz göstərir ki, biz etibarlı məhsul və sistemlərimizlə texnologiya sahəsində dünya gücünə çevrilmişik",-deyə ASELSAN-ın baş direktoru əlavə edib.
O bildirib ki, ASELSAN dünyanın ən sürətlə inkişaf edən 10 müdafiə sənayesi şirkətindən biridir.
Leyla SƏMƏNDƏR
Missiya.Az
