“Ətrafımızda baş verən hadisələri hamımız birlikdə görürük. Dünya siyasəti özünün ən sərt döngələrindən birini dönür. Beynəlxalq sistemdə hakimiyyət boşluğu, mənəviyyat və vicdan itkisi var”.

Missiya.Az “STAR”a istinadən xəbər verir ki, bu sözləri Türkiyə prezidenti Rəcəb Tayyib Ərdoğan Ədalət və İnkişaf Partiyasının (AKP) Ümumi Qərargahında İnsan Haqları Təhsil Proqramında çıxışı zamanı deyib.

O, bildirib ki, Fələstin xalqının Qəzzada məruz qaldığı soyqırımı təsvir etməyə sözlər artıq yetərli deyil.

“Soyqırımın başlamasından düz 10 ay keçir. Başları kəsilmiş məsum körpələrin, daha bu yükə dözə bilməyəcəklərini söyləyən uşaqların və ürəyi yanmış anaların görüntülərinə heç kimin ürəyi dözmür”, - deyə siyasətçi vurğulayıb.

Ərdoğanın sözlərinə görə, Qərb dövlətləri artıq İsrailin soyqırım siyasətində şərikdir və onlar Tel-Əvivə hər cür dəstəyi verirlər.

Siyasətçi qeyd edib ki, Qəzza böhranı ilə qlobal sistem iflasa uğradı.

“Fələstinə qarşı borcumuz həqiqəti hayqırmaqdır”, - deyə Türkiyə lideri əlavə edib.

Daşqın Həsənov
Missiya.Az