“Avropa Uinston Çörçilldən nümunə götürərək ümumi düşmən qarşısında vahid qalmalıdır. Bu o demək olardı ki, Rusiya prezidenti Vladimir Putin səhv edib və planlaşdırılan bölgü yarada bilməyəcək”.

Missiya.Az “RBC-Ukrayna”ya istinadən xəbər verir ki, bunu Ukrayna Prezidenti Volodimir Zelenski Londonda Avropa Siyasi Birliyinin IV Sammitinin ilk plenar sessiyasında çıxışı zamanı deyib.

"İndi biz plenar iclasdayıq və həqiqətən də bu yer ilk növbədə Uinston Çörçilllə bağlıdır. Biz onu xatırlayırıq və hörmət edirik. Çünki o, vaxtında çox şey etdi", - deyə siyasətçi vurğulayıb.

Zelenski qeyd edib ki, əvvəlki nəsillər uzun müddət ərzində sülhsevər Avropa yaradıblar, ona görə də indi avropalı tərəfdaşların əməkdaşları da bunu etməlidir.

"Biz birlikdə olmalıyıq. Putin Avropada parçalanma yarada bilmədi. Avropa bu dəyəri qorumaqda qətiyyətli olmalıdır", - deyə siyasətçi bildirib.

Daşqın Həsənov
Missiya.Az