“İş yerləri ilə bağlı duzlu, istiotlu hesabatlar açıqlanır. Amma bağlanan iş yerlərindən danışılmır”. 

Missiya.Az xəbər verir ki, bunu Milli Məclisin bu gün keçirilən növbədənkənar sessiyasında deputat Razi Nurullayev deyib. 

R.Nurullayev bildirib ki, büdcə xərclərinin səmərəlilik faizləri olduqca zəifdir: “Azərbaycanda hələ də yaşı 70-i keçmiş şəhid ailələri var ki, onlar hələ də evlə təmin edilməyib. Sosial yardımlarla bağlı vəziyyət acınacaqlıdır. Bu yardıma ehtiyacı olanın qarşısında böyük qaya qoyulur.  Mənim məktublarıma cavab verilmir. 

Spiker Sahibə Qafarova isə deputatın fikirlərinə cavab olaraq “hansı məktublarınıza cavab verilməyibsə bizə məlumat verin. Həmin nazirliyin əməkdaşları buradadır. Onlar da məlumatlı olsun”,-deyə vurğulayıb.  

Missiya.Az