AZ   |   RU
“Tavuş istiqamətində demarkasiya prosesi başa çatıb” - Alen Simonyan

“Azərbaycan ilə Ermənistan arasında Qazax rayonu və Tavuş vilayətində demarkasiya prosesinin başa çatdığını söyləmək olar”.


Missiya.Az “Hraparak” nəşrinə istinadən xəbər verir ki, bunu Ermənistan parlamentinin sədri Alen Simonyan jurnalistlərə müsahibəsində deyib.


O, bildirib ki, bütün dünya bu prosesi alqışladı. 


“Biz Azərbaycan ilə Ermənistan arasında həmin hissənin demarkasiyası prosesini başa çatdırmışıq və dayaq məntəqəsi yaratmışıq”, - deyə siyasətçi vurğulayıb.


Onun sözlərinə görə, Bakı və İrəvan bu prosesdə aydın xəritə seçiblər ki, onun əsasında həm Azərbaycan, həm də Ermənistan tərəfindən təsdiq edilmiş hüquqi baza mövcuddur. 




Daşqın Həsənov
Missiya.Az



  • 21-05-2024, 14:16