“Bir çox insan üzgüçülüklə məşğul olmaqla arıqlamağa çalışır”.

Missiya.Az xəbər verir ki, bu sözləri qastroenteroloq, tibb elmləri namizədi Svetlana Ujevko "İzvestiya"ya arıqlamağın üsullarından danışarkən deyib.

“Hər şey məqsəddən asılıdır. Əgər planlarınız sadəcə olaraq fiqurunuzu bərkitmək, əzələlərinizi tonlaşdırmaq və əlavə 2-3 kq-dan xilas olmaqdırsa, onda siz təxminən bir neçə aya qidanın kalorisini tədricən azaldaraq və fiziki aktivliyi artıraraq nəticə əldə edə bilərsiniz. Əgər 4-6 kq arıqlamaq istəyirsinizsə, o zaman 4-6 ay əvvəldən hazırlığa başlamalısınız", - həkim bildirib.

Mütəxəssis deyib ki, daha sürətli arıqlama tempi sağlamlığa təhlükədir. Bu, bədən çəkisinin qəfil dəyişməsinin orqanizm tərəfindən stress kimi qəbul edilməsi ilə bağlıdır.

“İstehlak olunan kalorilərin miqdarını kəskin şəkildə azaltmaq tövsiyə edilmir, bunu tədricən və həkiminizin nəzarəti altında etmək daha yaxşıdır. Beləliklə, gündə 3 min kalori istehlak etsəniz və onları kəskin şəkildə 1,2 minə endirsəniz, çəki azalacaq, lakin bu, zəiflik və nasazlıqla müşayiət oluna bilər. Güc və enerji azalacaq. Bundan əlavə, qəfil arıqlama ilə, itirilmiş kiloqramlar tez-tez geri qaytarılır, çünki gələcəkdə mümkün qida çatışmazlıqları zamanı bədəndə yağ yığılacaq," - deyə Ujevko izah edib.

Zərintac Mayisqızı
Missiya.Az