Hər il dəb yenilənir, fərqli geyimlər, rənglər və aksesuarlar trend olur. Lakin son zamanlar ikinci əl geyim bazarı da xeyli inkişaf edib. Bütün dünyada ikinci əl məhsulların satışı geniş yayılıb. Azərbaycanda da Avropadan gətirilən belə geyimlərin alıcısı kifayət qədərdir. Çünki daha ucuz qiymətə brend məhsulları əldə etmiş olurlar.

Araşdırmalara görə, alıcılar ikinci əl geyimlər alan zaman əsasən onun hansı ölkədən gətirilməsi və gigiyenik tərəfi ilə maraqlanırlar.

Mütəxəssislər insanlara bu cür məhsullar alanda diqqətli olmalarını məsləhət görürlər. Bir çox dəri xəstəlikləri məhz geyim vasitəsilə yayılır.

Həkimlərin sözlərinə görə, xaricdən alınan paltarların ölkəmizə hansı şəraitdə gəlib çıxması önəmli məqamdır. Habelə, yuyucu vasitlərlə yuyulmuş, hər iki tərəfi qaynar ütü ilə ütülənmiş geyim vasitələrindən istifadə etmək daha məqsədəuyğun hesab edilir.

Zərintac Mayisqızı
Missiya.Az